गजल

गजल

शाश्वत कुरा बुझे सँगै, बढ्दैछ डर पनि

नस्विकारी पटक्कै फेरि,  छैन धर पनि

हिजो सम्म सर्बस्वनै, त्यही हो लाग्थ्यो
घर जस्तो लाग्दैन अचेल, त्यो घर पनि

हरेक दिन आफ्नै छेउ, लास जलेको देखेर
बग्न  चाहान्छ  खोली सँगै, त्यो बगर पनि

घाटको बाटो हुँदै पुगे थेँ, शहरको भिडमा
चिहान जस्तै पो लाग्न थाल्यो, शहर पनि

चिहाई हेर्दा लोभ लाग्दो, सुन्दर रुप भित्र
नजर आयो डर लाग्दो, अस्थी पञ्जर पनि

Mongolian Samrat
तसर्पु-९ धादिङ्ग सल्ले
हाल- साउदी अरब