गजल

गजल

चौरासी ब्यञ्जन तिम्ले पो सुनको, थालमा भेटिएला
हेर्न जानू गाउँमा जनता, अनिकालमा भेटिएला

भयो होला स्विजरल्यान्ड, तिम्रै शहर स्विजरल्यान्ड
उता कर्णाली अठार सय, सालमा भेटिएला

तिमी पो त घरभित्रै, स्विमिङ्ग पुलमा तैरन्छौ
गरिब निमुखा गुहार्दै, आशुँको छालमा भेटिएला

तिम्रो शहरमा आकश छुने, धरहरा बन्दै छ रे
चढेर हेर्नू म जस्तो कयौं, त्रीपालमा भेटिएला

राख्नेले तिम्रो नामको अघि, स्वर्गीय लेखे पनी
खोज्यो भने त तिम्लाई सायद, पातालमा भेटिएला

चौरासी ब्यञ्जन तिम्ले पो सुनको, थालमा भेटिएला
हेर्न जानू गाउँमा जनता, अनिकालमा भेटिएला

(आशिक तामाङ्ग वाईबा )
  तसर्पु-९ धादिङ्ग सल्ले
  हाल- परदेश